పేలుడు ఘటనలో మృతి చెందిన ఒక్కొక్కరికి 15 లక్షలు నష్టపరిహారం
- అగ్ని ప్రమాద బాధితులు నష్ట పరిహారం ప్రకటించిన రాష్ట్ర ప్రభుత్వం....
- ఈనెల 24న కార్మిక శాఖ మంత్రి చేతుల మీదుగా నష్టపరిహారం అందజేత....
- వివరాలు తెలిపిన మండపేట ఎమ్మెల్యే వేగుళ్ళ....
రాయవరం గణపతి గ్రాండ్ ఫైర్‌వర్క్స్‌ లో జరిగిన అగ్ని ప్రమాద భాదిత కుటుంబాలకు ఒక్కొక్కరికి రూ.15 లక్షలు
నష్టపరిహారం రాష్ట్ర ప్రభుత్వం ప్రకటించటం జరిగిందని రాష్ట్ర అంచనాల కమిటీ చైర్మన్, ఎమ్మెల్యే వేగుళ్ళ జోగేశ్వరరావు తెలిపారు. ఆ చెక్కులను ఈ నెల 24వ తేదీన కార్మిక శాఖా మంత్రి వాసంశెట్టి సుభాష్ చేతుల మీదిగా బాధిత కుటుంబాలకు అందజేస్తారన్నారు. ఈ సందర్బంగా ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ లకు ఎమ్మెల్యే కృతజ్ఞతలు తెలియజేసారు.
