మండపేట మండలం లో యూరియా కొరత లేదని మండపేట మండలం వ్యవసాయ శాఖ అధికారి కే ప్రభాకర్ అన్నారు. తాపేశ్వరం, ఆర్తమురు లలో సోమవారం రైతు అవగాహన కార్యక్రమం నిర్వహించారు. వ్యవసాయ రెవెన్యూ శాఖ సంయుక్త ఆధ్వర్యంలో ఈ కార్యక్రమం నిర్వహించారు.
తాపేశ్వరం ప్రాథమిక వ్యవసాయ పరపతి సంఘం లో ప్రస్తుతం 9 టన్నుల యూరియా అందుబాటులో వుందన్నారు. తాపేశ్వరం, ఆర్త మురు గ్రామాలకు 145 టన్నుల యూరియా అవసరముండగా 134 టన్నులు సరఫరా చేశామన్నారు. ఇప్పుడు ప్రస్తుతం 9 టన్నులు అందుబాటులో ఉందని పేర్కొన్నారు. వారం రోజులలో 10 టన్నులు వస్తుందని తెలిపారు.
మండల ప్రత్యేక అధికారి పశుసంవర్ధక శాఖ ఏడిఏ ఓ రామకృష్ణ మాట్లాడుతూ రైతులకు అవసరమైన యూరియా ఎరువులు సరఫరా చేస్తామని చెప్పారు.
మాజీ జిల్లా గ్రంధాలయ చైర్మన్ నల్లమిల్లి వీరెడ్డి, గ్రామ నాయకులు వాసంశెట్టి శ్రీనివాస్, వీరభద్రరావు, గ్రామ శాఖ టిడిపి అధ్యక్షులు వాసంశెట్టి గోవింద్ , మాజీ ఆత్మ చైర్మన్ నూనె వీర్రాజు, తాపేశ్వరం పిఎసిఎస్ పడాల రామకృష్ణ రెడ్డి, పడాల సుబ్బారెడ్డి , వైస్ సర్పంచ్ కర్రీ సత్యనారాయణ రెడ్డి, నీటి సంఘం ఉపాధ్యక్షులు మల్లేటి సత్తిరాజు , రైతులు, గ్రామ వ్యవసాయ సహాయకులు పాల్గొన్నారు.
